شعر خاااص لاهل تبوك الورد...

وجد حالي كل ماهب ريحـا مـن تبـوك
استقر بجـوف مغليـك والدنيـا خـراب
كنها مرسول خطه قلم عشقـك ف بـوك
كل ماهبـت عليـه تقـل صفحـة كتـاب
يوك لامني ذكرتـك وانـا ماقلـت يـوك
غير مره يوم اكلمـك واكثـرت العتـاب
يامهربة الهوى ما نرمى حولـك شكـوك
وانت تدرك جمرك القلب وحدوده هضـاب
مير جاوزته بهيبـه تقـل هيبـة ملـوك
كل ماقدمـت خطـوة تفتـح بـاب بـاب
صرت تأمرني على اللي تبي واقـول دوك
يوم غيرك منتسب فـي محبتـه انتسـاب
مانبي منهم شهاده على حسـن السلـوك
لو تروح اكمال ورسوب يامـال الذهـاب
استمع لي وان تكلمت قـل لافـض فـوك
لني اشبه بالمطر من مرازيـم السحـاب
لا تحاقر صغر سني تـرى عقلـي دروك
عرف رجلا شاف بالوقت لين الراس شاب
واعرف ان الي نهوني ولاهم من نهـوك
كلها من باب وش جاب بس ال ويش جاب
ماعنوني يـوم كبـرت علـي الا عنـوك
بس لني مااتحمـل علـى مثلـك يعـاب
لا تقول ان الملا تطّحـن مثـل الحنـوك
مكمل نصابي معك وانت مااكملت النصاب
ليت يوخذ فالمحاكم على مثلـك صكـوك
لابتليت انسان واقفيـت طاولـك العقـاب
العقـاب انـك تحبـه كـذا ولا الحقـوك
حكم قاضي عشق حكمه مثل فصل الخطاب