شعر عن الجرح

الجروح اللي بقلبي تشتكينـي لـو جرحتـك
والفؤاد اللي تعذب كم سألني: من جرحنـي؟
والعيون اللي تمنى كل لحظـه لـو لمحتـك
هلهلت بالجرح دمعي والدموع اللي فضحتني
والشجون واللي املها كل يوم ٍ لو وصلتـك
حاولت تخفـي ألمهـا والالـم زاد وسكنـي
ليه ظلمك باشتياقي يوم انا ماقـد ظلمتـك؟
العدل مرات يظلم؟.. هـذه المـره ظلمنـي
كم ليل ٍ في عيوني من خيالي قـد رسمتـك
كم سهر جفني ليالي ارقب اطيافـك امرنـي
كم حروف النبض باحت باسطر ابياتي كتبتك
ذكرياتي مع هجوسي ما ابد ليـل هجرتنـي
استضفت الجرح منك في دفا ضلوعي دفنتك
مانزفت الجرح لكـن هـذه المـره نزفنـي